Kobus Nel
kobusbabsie@yahoo.com
Personeellid
Carmen Frylinck
carmen@vslandbou.co.za
Tans word daar met die Department van Waterwese onderhandel om dringend die beleid wat op die tafel is met Koppies en Sandvet tot ‘n aanvaarbare oplossing af te handel. Die beleid rakende boorgate en die verifiëring van inlysting af te handel.
Die Besproeiing- en Watersake komitee hanteer alle sake rakende water wat landbouers in die Vrystaat raak. NASIONALE WATERWET Die Nasionale Waterwet is in 1998 geimplementeer. Registrasie van waterverbruik is tans aan die gang en alle waterverbruik moet voor 31 Maart 2001 geregistreer wees. Alle waterverbruikers wat aangesê word om te registreer het ‘n statutêre verpligting om dit te doen. In die toekoms, wanneer waterverbruikers verplig sal word om vir lisensies aansoek te doen, sal diegene wat versuim het om te registreer, se kanse benadeel word om ‘n lisensie te bekom. Alle waterverbruikers wat nie hulle water van ‘n diensverskaffer, plaaslike owerheid, waterraad, besproeiingsraad, staatswaterskema of enige ander grootmaat watervoorsiener kry nie en wat water verbruik vir:
besproeiing
mynboudoeleindes
nywerheidsgebruik
voerkrale en
kragtens ‘n algemene magtiging moet registreer. Dit sluit oppervlak en grondwater in.
Die Nasionale Waterwet laat toe dat water vir redelike huishoudelike gebruik van enige waterbron deur enige iemand geneem kan word. Geen lisensie of registrasie word hiervoor benodig nie. Dit laat ook ‘n persoon toe om water te onttrek vir klein tuine (nie vir kommersiële gebruik nie) en veesuipings (nie voerkrale nie) op grond wat deur ‘n persoon besit of benut word. Vir registrasie kontak die Departement van Waterwese en Bosbou by 051-4303134 (T) of 051-4308146 (F) of posbus 528, Bloemfontein, 9300. NUWE PRYSSTRATEGIE VIR HEFFINGS OP WATERGEBRUIK Die volle verhaling van kostes gaan na Maart 2001 geskied. Die nuwe prysstrategie behels ‘n nuwe rondte van samesprekings met die Departement van Waterwese en Bosbou. Die samesprekings sal handel oor depresiasiekoste en die infasering daarvan. OPVANGSGEBIEDE AGENTSKAP IS BY KOMATIE GESTIG Die eerste opvangsgebied agentskap is by Komatie gestig. Alle watergebruikers sal ‘n tarief (kan tussen R50 en R60 per hektaar wees) moet betaal om die kostes te dek.